المشاركة الأصلية كتبت بواسطة نداء الغيداني

مايفيـد الكـلام ولا القصايـد تفيـد=لو كتبنا مـن الاشعـار شـئٍ كثيـر
ابرقي وارعدي له يادمـوع القصيـد=سيلي ساحة الاشعـار دمـعٍ غزيـر
وانشدي دمعة الاحزان0هل من مزيد؟=لين تابس عروق الدمع لوهو خطيـر
وقدم التعزيه لاصحاب واهـل الفقيـد=وعزي الشعر كله فالـوداع الاخيـر
لابن منصور فيصل ابو بـدر الوديـد=كل شخصٍ يوده من كبيـر وصغيـر
اشهد انه من اللي بالوصايـف فريـد=كل نـاسٍ تعرفـه يذكرونـه بخيـر
واشهد انه لشعر الـرد فعـلاً عميـد=وفي مجال النبط شاعر وناقـد كبيـر
لوتركت القلم يكتـب علـى مايريـد=انتهى الحبر ماانهى ربع مافي الضمير
اللهم اجعله فـي القبـر يالله سعيـد=اللهم اغفـر اذنوبـه وانـت القد ير