هذه قصيدة رد ثناء للأخ/ سعود علي العلوي الحربي
يابن علي ياسعود جعل السعاده=قدمك ومن خلفك وبيسرك وايمنك
في مافعلته يستحق الاشاده=مني وأنا اشكر كل ماطالني منك
يومن همي قام يجمع عتاده=وأنته معي ياسعود معلن تضامنك
يفداك من ينظر بعين الجراده=يضحك بوجهك وإن تقفاك يطعنك
يشره بلا شرهه ضعيف الإراده=لامقدر ضروفك ولا مستحي منك
وإن غاب عنك إغتاب واسبل زياده=يسبل بسياتك ويجحد محاسنك
في غيبتك يعلن عليك الاباده=وصفق له اللي طينته ماتواطنك
الله يلعن كاتمين الشهاده=أشهد شهادة حق ماأنسى تعاونك
وإختامها ياسعود جعل السعاده=قدمك ومن خلفك وبيسرك وايمنك