مضحي بن جمران=
ودي العب واغني طيبات اللحوني = ياهل الملتقا واللي يجي مرحبابه
ودنا شاعرٍ عارف بكل الفنونـي = مايقول اللحن ذا به عليه غرابـه
الشاكر ابو سامي=
يوم مريت شفت بيوتكم ياعيونـي = والبقا يالمرحب واخذ جابه بجابـه
قدمك الشاعر الموفي لكل الديوني = عن هل الملتقى والملتقى بالنيابـه
مضحي بن جمران=
رحبو معي فاللي ياعساء مايهوني = بعد نوخ على جال الركيه ركابـه
واحدٍ دق صدره للصعيبه زبونـي = كان ماصار ذيب يروح عند الذيابه
الشاكرابو سامي=
رحبوا بالجميع وهللوا واسمعونـي = مانباها حيـاز ولا نباهـا عصابـه
دام راسي يابن جمران فوق المتوني = ماعليه خلاف وخاف فوق الغلابـه
مضحي بن جمران=
الله انه يحيي كـل مـن شرفونـي = ولابو سامي تحيه ماعليهـا ضبابـه
راس من روس قومٍ بالوفاء يعرفوني = والخطا والكلام الهزل مقفـول بابـه
الشاكر ابو سامي=
طاب يومك ترى اهل العرف مايظلموني = كل علمٍ يجيهم يحسبـوا لـه حسابـه
ودي انشدك عن علم يفوق الظنونـي = قام به واحـد معـروف ماشـق نابـه
مضحي بن جمران=
اهل الطيبه بيـن المـلا يشكرونـي = وكل مخلوق فوقه يابن عمي رقابـه
الله اكبر رضيع الديس قال اتركوني = بنت عمران عذراء دون شك وطلابه
الشاكر ابو سامي=
آهل الطيبـه يبنـون مايهدمونـي = والمشاكل على قوم المشاكل تشابه
بنت عمران ماترضى بداني ودوني = ودّها بالشجاع وودّهـا بالقرابـه
مضحي بن جمران=
ماعلينا من اللي يضرسون السنوني = دام سيف العداله في يدينا نصابـه
ويش عدٍ بعضنا منه مايشربونـي = دام فيه اختلافٍ بين انسـه ودابـه
الشاكر ابو سامي=
ماعلينا وعودوا للهدف واقنعونـي = لاتضحّك خناذف وانت فارس شبابه
العدود الرهيه وردهـا يصدرونـي = بالروى والصحيح يعد لو به نشابه
مضحي بن جمران=
جعلكم من جنان الخلد ماتحرموني = من تفطن لعلمي يابو سامي درابه
جال هداج لو تكثر عليه الظعوني = لاتحسبه شحيح المي مثل اللهابه
الشاكر ابو سامي=
فيه ملكين فـوق اكتافنـا يكتبونـي = والبنادم يحصل ماجنـى فـي كتابـه
لاتنفح ردونك ثـم انفّـح ردونـي = كلنا أخوان عان البرق وسط السحابه