ابشر وحنا يابو طـارق لعينـاك = لاتلحقك شكّه ترى حـرب عونـك
واجب على حرب ألأبيـه تبنـاك = ربع ٍ ليا حمـي اللقـا يعجبونـك
نبذل عزيز المال ونقـول يفـداك = نرخص لك الغالي ونرضي عيونك
ياشاعر ٍ خطيت حكمـه بيمنـاك = لك هاجس ٍ صور خفايا شجونـك
وليا نويت تصيغ للناس معناك = القاف والفكره بكيفك يجونك
فيك الثقه وهبه من الرب مـولاك = العقل لك منهج وعلمك حصونـك
والله يحفظ اللي على الطيب رباك = ابن نحيت حجاب مسس ركونـك
ماشي على درب المعزات بخطـاك = واللي يذمونـك تـرى يجهلونـك
خل اتكالـك بالولـي دوم مبـداك = لاتشتقي باللـي خفـا يحسدونـك
ارجع واقول انّا على مكسب رضاك = وقلوبنا تدعي عسى الله يصونـك
والبيرق اللي فيه تهـدف نوايـاك = نبغى نشوفك شايله فـي متونـك