ما يلحقـك غيـر العنـا قالـو النـاس=وما يسكـن الضلعـان غيـر الجنونـي
قلت العنا محـلا العنـا وأنـت قنـاص=وياماحـلا فالضلـع رمـي البـدونـي
وياماحـلا الدلـه والاجـواد جــلاس=فـي ديـرة الـجـدان زادة شجـونـي
في(عود) لاجيتـه جـلا عنـك اليـاس=بمـر الإلـه وكـل شـيـن يكـونـي
ناس(ن)فنو ومن عقب ناس(ن)فنو ناس=والعـود شامـخ مـا شقتـه ألقرونـي
في دار ربع(ن) صيتهم يرفـع الـراس=أولاد جــدي دوم قــد ألظـنـونـي
قومي هلا الصـولات للمجـد نومـاس=تاريخهـم يحـوي جمـيـع ألفنـونـي
أهل الكرم والعز وايضـن هـل البـاس=وحريبهـم يسقـوه كـاس ألمنـونـي
الاحـمـدي للعزوالفـخـر نـبــراس=وكل العـرب ترعيـه مثـل ألمزونـي
وان جيت أنا أوصف ماحوا الحبر قرطاس=وما توفـي الاشعـار ميـر اعذرونـي
ويا لايمـي لـو كـان فكـرت بقيـاس=غيـر انهـا ظنونـك تطابـق ظنونـي