يامرحبا ترحبة(ن) تلحق الترحيب ترحيب=في ليلة(ن)كل يبا ينتضرها في كل عامي
اليا لقيت الفارس اللي يودي العلم ويجيب=مالي ومال مدور الفيد في وقت الزحامي

دام البقا والليلـه انتـه ممثـل للمعازيـب=يهمني تقديـر ربعـك وقـدرك واحترامـي
ياصاحبي مافيه احد(ن)في الليالي يعلم الغيب=سود الليالي ماتجي كلهـا بـرد وسلامـي

ان كان طبعك يا السناني تبى تصفى المشاريب=وان كان غيرت الطبيعه على الدنـا السلامـي
العام كنت تخيل البرق فـي روس المراقيـب=واليوم ميرادك على عد يـروي كـل ضامـي

الله لو راشـد يسلفـك نيبـان ومخاليـب=ولا عطاك البندقه والذخيـره والحزامـي
ماكان ترجع مرخي الراس ولافاضي الجيب=كل يقول الاوله رمية(ن)من غيـر رامـي

ماشوف صيده يا السناني تبي سيف ومشاعيب=وانا عيوني يا السناني مـا تنضـر للهلامـي
اخذتها عصب(ن) عن الروس عكفان الاشانيب=واليوم حطيت الكلبشات قي يديـن الحرامـي

ان كان كملـت المهمـه وكملـت المطاليـب=بشر قبيلة حـرب بشعيـل مزبـور السنامـي
ماهي غريبه يابن صياف يخطي الرمي ويصيب=صياف فارش لك على الدرب من ريش النعامي

ماباقي الا خمسة انفار من فزعة تراحيب=الله على مسكتهم الصبح والميسام حامي
يوم انها ياصاحبي دونها نار ولواهيـب=خلوك في عالي تهامه تلصق يا التهامي