رجاحة بالعقل وتجلي بالفكر وحضور متزن
ذلك هو الشيخ الشاعر احمد بن متعب ابن ناحل
الذي شهد له النقاد والشعراء بمافيهم اعضاء لجنة التحكيم ببرنامج
شاعر العرب انه قد سبق زمنه فكرا وشعرا:
الله من هـمِ بروحي سهجها =بأقصى ضميري في كنين الحشى لاج
أحر من نار توقد وهجها =منها خطر روحي على سلك ديباج
وعيني عسى المولى يعجل فرجها =يفوح ناظرها كما عين هداج
استرسلت بالدمع مما رهجها =غيض يكض اعبارها مثل الأمواج
كم واحد له غاية ماهرجها =يكنها لو هو للدنين محتاج
يخاف من عوجا طوال عوجها =هرجة قفى يركض بها كل هراج
يقضب عليك المخطية من حججها =حلو نباه وقلبه اسود من الصاج
الله خلق دنيا وساع فججها =عما يريب القلب لك كم منهاج
الرجل وان شطت لياليك سجها =عسى تواليها تبشر بالفراج
الشاعرالامير / محمد بن أحمد السديري (رحمه الله)
يامل نفسٍ وقتها مابهجها=من سبة اللي لاسطا ماله اعلاج
رمحٍ غزى حدب الضلوع وولجها=صابر عليه وداخل الجوف ثجاج
كظمت غيضي لو ضلوعي فلجها= ماقف عزيزٍ ماضحك فيه هلباج
اذني عن الهراج مزمن صنجها=وسري سجينٍ مارجا حلم فراج
للغيض برزخ لو بحورها مرجها=ماتلتقي ويطيح عن راسي التاج
كم واحدٍ حاجاته ابطا لججها=وقبرت معه مابدا بها لدايج داج
ياما ابتساماته بهرجه مزجها=والونس طيره في روابيه ماراج
يبغا حلاها واستعاض بحدجها=ويلوذ في صمته تفادي للاحراج
وكم واحدٍ نفسه بهرجه سمجها=مكشوف سرٍمابخافيه مزلاج
مسوح ذود كم عجي لهجها=وتدر من توجس على الديد لهاج
بلاي من عميٍ تدرج عرجها= تبي علوم دونها السيف لعاج
هذا يفصلها وهذا دمجها= واجابتي للي نشد (حج ياحااااااااااج
الشاعر الشيخ : احمد بن متعب بن ناحل |