بسم الله الرحمن الرحيم
( زبدة الهرج)
اخواني في ملتقى حرب
هذه الأبيات إهداء
مني لكل شخص يواجه
قسوة الأيام
والله يفرج الأمور ويسرها
لكل مسلم
( طبيب يداوي الناس وهو عليل)
ياقلبي اللي تحتويه المعاناه = ويضخها بالدم داخل وريده
عزي لمثلك زايد الوقت بلواه = ويجتاح صبره بالضروف الشديده
بعطيك نصح وزبدة الهرج معناه = حتى تعيش سنين عمرك سعيده
خل العمل والصبر تعقد موالاه = مع التفائل والعواقب حميده
والعبد لو واجه مكايد بدنياه = لايشتكي لناس وضع ٍ يكيده
يرفع يدينه يم ربه وينخاه = الواحد اللي حكم الأقدار بيده
مايعجزه بالكون عبد ٍ تحداه = متكفل ٍ بالرزق محصي عبيده
الشاعر/ خالد بن عبيد بن معتوق الأحمدي