المشاركة الأصلية كتبت بواسطة لمعة الجليد

غيرتي عميا وانا ماني صبور = هاك باب الريح حاول تَقْفَلَه
كل ماشع بغلانا طهر نور = صاحت اشباح الظلام ابـ/تعذله
ليتني بينك وبين الناس سور = واحتوي فيني نسمك واعزله
من وصل في حبك لحد الغرور = اقتله !! ماهو بحق ٍ تهمله
اتخبط فيك تكفى لاتثور = خذ جنوني فيك حاول تسأله
كم هدمت بدولة احلامي قصور = وكم شريت بواقعي من اخيله
اخذلتني صهوة القلب الجسور = اعطش وقلبك عطاني منهله
انذر وانحر من احلامي نذور = واسهر وانطر على باب الوله
دنيتي بستان وانتي لي زهور = جبت لك عمر النخيل بأكمله
لا ذبلتي برتدي لي ثوب بور = واعبر بعمر السنين الممحله
قابر ومقبور والغربه قبور = وين لي بين المقابر منزله
لا يطول الليل واشباحك تجور = اعذريني لانطقت البسمله
الغلا ميلاده بقلب امخمور = لا حديث ولا بآيه مُنزله
لو يطول البعد تمحاه العصور = وجرح خطواتك بدربي تدمله
دولة ٍ ماعاش فيها غير عُور = ماسوى عين السماح امبطله
قصته صارعت فيها دور دور = من هوامش دورها لين ابطله
ماظفرت الا بضيقات الصدور = معضلته (اتدووووم) نفس المعضله
العزا رب المخاليق الغفور = يمهل العبد لأَجل .. مايهمله
والعزا ..اني انا عبد ٍ شكور = اعلم الخير بضمير واعمله
والعزا لاعانق الحبر السطور = وباح صدري مايكن ويحمله
والعزا لاشفت بالصفحه مرور = لك . يصيب الحزن بي في مقتله
افهميها عاد محبوبك غيور = ينتخي بالصبر والصبر اخذله