.
.
.

ياللي تغزل في لميس الجميـلات =اللي عن الدرب السوي محروفـه
زين الملامح شفتها عبر شاشـات =وكتبت ماياضح بلايـق وصوفـه
مايتضح بالعين وصفـه خيـالات =وخوافي ٍ مـاود عينـك تشوفـه
والغنج بادواره دقايـق وساعـات =ويعـاد دور ٍ مايمثّـل يطـوفـه
وجمال يحوي داخله سـم وآفـات =ومضمون سيء والرذيله تحوفـه
لو غرر هجوسي وأخذ فيه سجات =ولوّح على صهوت قواف معسوفه
هوى خفوقي عادها مثل ماجـات =مايعشـق الا فـي مزايـا تنوفـه
عشقه جمال ٍ في جواهر مغطـات =مصيون حتى من نسايـم هفوفـه
(بنات داري) يابعد حي وأمـوات =بكل البسيطـه جارنـا والحلوفـه
دعج العيون رموش سود ٍ كحيلات =جمـال خـلاّق ٍ بلـيـا كلـوفـه
بروح ٍ أصيله حافظه كل عـادات =شرف مبادي بالاصـول معروفـه
للعشق عذبات السواليف همسـات =ماغير للعاشق طرايـف شفوفـه
(لبنت الوطن) قدر وكرامه ورايات =بيرق شموخ العز عالـي رفوفـه
مني لها بعـد أحترامـي تحيـات =من خافق ٍ صافي منابع حروفه !!

.
.
.
تحيتي 00 احمد العوفي