سهرنا مسكنا الصف قرينا تواليه=عساكم على القوه تعودون ليليه

سلامي علي ذا الملتقي وكل من فيه= نسلم بعد عدنا بنيه نقيه
ونبغي الفتي الليله و نبغي نخاويه=ونبغي علومه بالديار العذيه
هلا بالمسلِّـم عـلّ ربـي يحييـه=هلا بك و قالوا كـل نيَّـه مطيّـه
أنا جيت للخوّه و مسراك نشريـه=و ترا من لفى يعطي العلوم الطريّه
لعل البقا والعلم منكم ونوحيه=ولا يا عضيدي ما لكم مشنويه
يدكتور علمني وانا العلم باغيه=ونبغي علومك والخوي من خويه
علومي تسرك، لكن الوضع وشفيـه؟=ورا "كوندليسا" بين روحه و جيّـه؟
يقولون "بوتين" صار رافـع أذانيـه=و "بوش" الإبن عصّب و ركب اردعيه
كنوز الرجال انجوم والا نسب فيه=ابنشدك علمني في هذي وذيه
تري بوش وكلتن زمنا وبلاويه=عسي الله يرميهم وسط نار حيه
أنا لو وضح لي الخطّ أوضِّح معانيه=و اقول الْك ما تبغي بهذي القضيّـه
سألتك سؤال و له جواب(ن) انا ابيه=ولا لي بهـذا الكلـب و الا أخيِّـه
اسددك في دينك ولي دين باغيه=بعد جابك الله بين راحت يديه
اقول النصاري دربهم لو مشوفيه=عليهم لعنة الله ونار لضيه
أنا دَيني و دَينك عسى اللّــــه يقضيه=و انا جيت راضـي عـارف المقدريّـه
أنا ما أدافع عـن نصـارى(ن) معاتيـه=ولانـي بفـازع فـزعـة(ن) جاهلـيّـه
ابنشدك علمني عن البحروايش فيه=وايش اللي وسط غباته الدودميه
يخوف هدير البحر لو تستمع ليه=وخوفي تقول البحر هايج عليه
يقولوا البحر غدّار، لكن أبشقيه=و ابطوِّعِه، حتى لوِ انّه بليَّـه
هديره يخليني أهيم بشواطيـه=و من لولو المحّار ابنظم هديَّه
يراع المدينه خذ من البحر صافيه=ولاهاج البحر غطي لحرة طميه
هدير البحر والموج منته مقا ويه=وروح انشد اهل الخبره الصيرميه
أنا ديرتي مـا حولهـا الا السباريـه=و طميّه بأرض(ن) يا رجل مهمهيَّـه
تقوله و لا الومك أو الحِقْ مشاريـه=وكلّ(ن) له شهود(ن) من اهل الحميّه