على شانه مشيت اطول طريق وجيت ماحسيت=هواء ذكراه تدفعني ويجذبتي هوى لاماه
على شانه تحديت الظروف القاسيات وجيت=رغم طول الطريق اللي يهددني عنى ممشاه
على صوته على شوفه عقب طول المغيب اشفيت=يسريني على درب الخطر لو طالبي مسراه
على بعده نويت اصبر ثمان ايام بس ازريت=عجزت اصبرعلى بعده ولوساعه عجزت انساه
خياله مايفارقني قبل حتى ليا صليت=عسى الله مايواخذنا ويجمعنا انا وياه
بغيت ادله بغيت اسلى بغيت اجمًع التشتيت=بذلت اقصى الجهود ولاقويت اصبرعلى فرقاه
على شانه على شاني نويت اقابله في البيت=تعذرت المصالح كلها لاجله ولاجل رضاه
على شانه كتبت الشعر فيه البيت يلي البيت=ابين خافي اشجاني واترجمها على معناه