وقلبي علـى ضمّتـك يسابـق يديّـه=ويردني طيب أبوي ومرجلـة خالـي
تكفـون ياللـي تمـرونـه علانـيّـه=قولوا له : الموت لامن غاب يبرالي !
وقولوا له : إن غيبته ما هيب عاديّـه=وخلوه يرجع يشوف بعينـه أحوالـي
وقولوا له : إنه ذبحني لعنبـوا حيّـه=ما يرحم الشوق غالي ينتظر غالي !!
وقولوا له : إن صد والصـده نهائيّـه=اشوالي آصد !! لا والله وش أشولي !!
حيل الله أقوى عساها روحـه بجيّـه=وعساه ما يبطي ويرجـع ويسعالـي
وقولوا له : الله حسيبه كان لـه نيّـه=ما عاد يرجع لي وقولوا له التالـي :
حرام كلّي ( ظما ) وإيديه ( وسميّه )=وحرام ( مالي أمل ) مدامه ( آمالي )