المشاركة الأصلية كتبت بواسطة عبدالملك الرحيلي

آه يا ليل العنا منك يا مقساك ليل=تدري إني عشت فيك الفصول الأربعة
كل فصل من فصول السنة دمه ثقيل=باطنه ياموجعه ظاهره يا مروعه
مغترب في ظلمتك والسبب نجمة سهيل=والثواني وسط تيهك ليالي مفجعه
والجوارح كنها ذيب جايع له عويل=من يلومه لاعوى ماتحقق مطمعه
إيه يا فتنة حروفي قضى الصبر الجميل=والدوافع يوم افكر بهجرك مقنعه
ليه ادور في صحاري عزوفك لي مقيل=ليه اراهن باللقا مع سرابك واتبعه
مابقى بالصبر فيني كثير ولا قليل=الله إنه يقلعه الحب الأعمى يقلعه
كم غروري قلتله لا تعجل بالرحيل= كم وكم حاول معي كم وانا كنت امنعه
آه ياليل العنا منك يا مقساك ليل=تدري إني عشت فيك الفصول الاربعه