أمانه يالسحاب للي توجه للحجاز عصير= تركد واحمل الأشواق معك لسيد خلاني
وإذا جيت لطرف جدة تهلل وانهطل بالخير = وعانقها بأشواق الغلا يوم الغلا جاني
وعطها نبذة اخباري وعطها موجز التقرير= وعطها سالفةحب سكن في وسط وجداني
أمانه يالسحاب للي توجه للحجاز عصير= تركد واحمل الأشواق معك لسيد خلاني
انا مقدر على وصفة وخانت روعة التصوير=دخوله انعش فؤادي مثل همال الأمزاني
بناله عرش واستوطن ونفذ خطت التهجير = وهجر من سكن قبله بلارحمه وتحناني
أمانه يالسحاب للي توجه للحجاز عصير= تركد واحمل الأشواق معك لسيد خلاني
عقب ماكانت ظلوعي تشكى من العطش للبير= تروت من غلا حبه وفاضت كل كيساني
وانا ماني بطايع في هواها عاذلي ومشير= أبعطيعها الغلال اللي ماعطيته واحد ثاني
أمانه يالسحاب للي توجه للحجاز عصير= تركد واحمل الأشواق معك لسيد خلاني
وبكتب في سماء الصفحة وعبر للهوى تعبير= وبشطب من جرح قلبي وبنسى كامل أحزاني
حياتي قبلها كانت بدايت مرحلة تطوير = وبعد ماحلت بقلبي ثبت اسمي وعنواني
أمانه يالسحاب للي توجه للحجاز عصير= تركد واحمل الأشواق معك لسيد خلاني