فلاح صياف الحربي

هلا مرحبا ترحيبة في ديار الأجواد=نيابة عن اللي يحتمون الشدادي
الا يالعصيمي كل ما فات ينعاد=وهذي دلايل للكلام الوكادي

مستور العصيمي

يدوم البقا والعلم مصدر وميراد=بعد ما حضرنا في احتفال البلادي
ترانا حسبنا الوقت هجري وميلاد=ومن لا نشوفه نسمعه في الروادي
هذي حالة الايام زارع وحصاد=وهذي بداية قبل يوم الحصادي
ترى القوس له باري وللسيف حداد=وتسمع كلامي كان نادى المنادي
والا يالسحيمي سد الاشفاد نقاد=وليلتك هذي عيد بين العيادي
بلانا من اللي ضيع الملح والزاد=أبي أكب زاد الناس وأرجع لزادي
مدام العلم مرفوع في رووس الأشهاد=يجيك السعد والخير مع كل وادي
نظرنا لابو تركي على كل ميعاد=لو اني مجهز له سيوفاً حدادي
والا يافلاح النجم يعرف بالأرصاد=ولا أدري تصيد الناس والا تصادي
ياراعي المطية مامعك خرج وشداد=تكب الحرارة واعتنقت البرادي
ليا صرت يامستور للعلم جحاد=تكفيك نار اشبها من زنادي
تثبت بيوت العز سيسان واعماد=لكنك تريح لين هداك المهادي
ياراعي السوالف عدها جوز وافراد=وعصر الزناتي قبل عصر المهادي
ثبتنا على الدنيا ودقينا الاوتاد=وبطل عنادك ياكثير العنادي
مدام السيوف حداد وثيابي جداد=ابدخل ملز الخيل في كل نادي
ليا حل وقت الصيف للقنو جداد=واظنك قريب من نهار الجدادي
مدام الليالي عودت حرب وجهاد=ياحرب المدينة بشرو بالجهادي
يا صدام وسويت في شعب بغداد=تلم الحطب للنار واصبح رمادي