المشاركة الأصلية كتبت بواسطة حرف

=حرف
شيخ الحـلا .. بالهـوى جانـي=وسـرت فـي غايـة الاحـراج
امشـي مـعـه .. ويتعـدانـي=والا اصـده .. وانـا محتـاج؟
=الــــــرحـــــــال
الشيـخ لـه حـق وجـدانـي=مالـك عـن مسايـره مخـراج
ومـا دمـت محتـاج وتعانـي=خلـك علـى طيـب المنـهـاج
=حرف
طـيـب اذا زادت .. احـزانـي=ونار الهـوى حصلـت مـدراج
اصبح على نفسـي .. الجانـي=ولايفيدنـي للجـروح عــلاج
=الــــــرحـــــــال
مـن كـان كبـتـن وربـانـي=ماتهمـه مصافـق الأمــواج
وآنـا اعـرفـك ذرب فنـانـي=لبسـك حسـن التصـرف تـاج
=حرف
ظنـك انـا اقـدر .. ويمدانـي=ولا .. ينطفي لي .. معاه سراج؟
أو فـارق العمـر .. ينهـانـي=لا اروح رغبه .. ولا استدراج؟
=الــــــرحـــــــال
مااحكـم علـى شـي يخفانـي=مـن خـوف لايهـرج الهـراج
وانتـه ماتخـفـاك الاوزانــي=عنـدك نظـر ماعليـه سيـاج
=حرف
واضـح ومشـروح عنـوانـي=كامـل مكمـل بــلا منـتـاج
جيلي مضى .. وجيلـه الثانـي=وبحر الهـوى تعرفـه لاهـاج
=الــــــرحـــــــال
مـادام جيلـك مضـى وكانـي=واقفى زمـان الهـوى وانـلاج
انصحـك لجلـك مـن اخوانـي=عن جيل فيـه الهـوى مكيـاج