الصييفي
مرحبا بالشاعر اللّي حضر ما غابي=شاعر(ن) يحسب لممساه قبل يقيّل
يا علي قوة ردودك تزيد اعجابـي=ودّي آخذ معك طاروق، يبن هليّـل
علي هليل الحربي
والبقى بك يـا عميـلٍ حسبـت حسابـي =لو رصيدي في بنوك القصيد قليَل
مصـدر الإعجـاب ياالآخراضحـك نابـي =والقليب المصفيَه ما تبل الثيِـل
الصييفي
التواضع في الرجل يا علي ما عابي=و من يشوف النوّ مقبل يقوم يخيِّـل
و من مدح نفسه يقولون ذا كذّابـي=و لو أخذ جايِزْةْ "نوبل" سواة "زْوَيِّل
علي هليل الحربي
النخيـل الباسقـه ظلهـا منسابـي=وانت عندي وارف الظلَ مانت ظليَل
فلاسفة الأمم تقنـع الارهابـي=مااقتنع في عاقل المـره الا عقيـل
الصييفي
يا علي فزعتك للصاحب المنصابـي=صابه السهم الموجّه مـن ام جديِّـل
ودي آخذ حصتي مثل بـاق اترابـي=بس حظِّي في الهوا خامل(ن) و منيِّل
علي هليل الحربي
مانته اول مـن شكـى وآخـر الاحبابـي =حط رمحه في ضميري وعني ميَل
الهـوى يـا صاحبـي يسلـب الالبـابـي=كد شكاه سويلم وعذب ابن سبيَل
الصييفي
كنت ابي الفزعة، و جاني بدلها عتاب(ي)=يا علي أنته حكيم(ن) و لا أنتـب عيِّـل
قلت يمكن من تجاربـك تفتـح بـاب(ي)=هقوتي بـك بالمعـارك فطيـن، و حيِّـل
علي هليل الحربي
انت تاجر مير, ودك تصيرمرابي=تبدع احلى الكلام وفالاخير تذيًل
لو نزعلك, قمت تفتَل الاشنابي=اثر قلبك من الحصني يصير متيَل
الصييفي
التجارة للهوامير مـن أتعابـي=و الربى تاركه للشيخ أمين جميِّل
الزعل مرفوع والزوربة تنعابـي=و الثعل لو راغ، باقي عليه كميِّل
علي هليل الحربي
كل من حطله سهمين قام يبابي=ماعلى شعرة الميزان كود تكيَل
حربتي ما اسنها غير للاجنابي=لاالحصيَل حصيل ولاالحصيل حصيَل
الصييفي
المؤسس و المساهم، سهمهم هابي=ضاع فيه اخوان وضحى و نسل دليِّل
الوتر لا تعزفه، و اطلـع المرقابـي=و انتبه للرّش، بعضه تـراه يسيِّـل
علي هليل الحربي
انت وش بك ما تذم, الا باسود الغابي=عينك بوضح النهار وضامرك متليَــل
الوكاد انك طعام الضرس ولاَ النابي=لو ما قلته باللسان, بقلبك المتويَـــــل
الصييفي
شاب بيت الملعبة يا علي بكتابي=ما بقى الا كل بيت(ن) بناه هزيِّل
إستفدت من الملاعب مع أنسابي=يوم أنا ربّي رماني بغزو هليِّـل