المشاركة الأصلية كتبت بواسطة عيسى العوفي

ياطيرياخفاق يارافع الريش=ياللي بعرض الجو دربك سمــــــاحي
ماشفت لي نقاض سود العكاريش=عليه من لمحات ظبي البراحي
عنق المها راع العيون المراميش=سود بها ياطيرموت ذحاحي
والخد براق سرى بالغطاليش=براق وسم في دجى الليل لاحي
حلو النبا مثل القراح النقاريش=هرجه عسل لوقيل ماني بصاحي
احرق فوادي مثل مايحرق الفيش=لولا الحيا ياطيرلارفع صياحي
ساكن بداري بس جت له نواطيش=حسبي على منهوسعى له وراحي
مما بصدري قلت ليش السفرليش=قال ا لبواخرتنتسفها الرياحي
ماهوجفى والا خيانه وتطنيش=امرمقدرواستبيحك سماحي