جلا النوم عن طرف الحزين وهام=سهرت الدجى يوم المعافانام
من لوعة الدنيا كفا الله شرها=عقب الصفا جوي غطاه كتام
هبت علي قلبي هبوبا من الكدر=خلت معاليق الضلوع احطام
امسيت ازايم عبرتا تجرح الحشا=وعضيت من غبر الصدوف ابهام
علي عضيدي مسندي في نوايبي=اللي الياجيته بلازم قام
سبيل ابوسلمان ياكبرفرجته=ليت اليالي مهلت غشام
محا الله دنيا فرقى الاصحاب طبعها=اليا اقتفت جمعا يروح اقسام
بواقة الخلان ياجاهلينها=كم البست درعا عزيز حرام
لاخير فيها دام الفراق شرعها=كن الحقايق عند اهلها اوهام
مافيه حي ماتجرع امرورها=قبلي شكوا منها اللهود احشام
وانا تجرعت الكدر من احفونها=اسقتني المر الذحاح اشمام
الياطاب نوم اللي خليه هواجسه=اخذت مع زام السواري زام
اسهر واسامر كل نجم اليابدا=لكن ترى ماني سهير غرام
اسهر علي فرقا دروعافقدتهم=اللي خذوا بالطايلات وسام
صالح وبوسلمان هو وابومشعل=دروع الرفيق وللخصيم الجام
ابكي عليهم كل ماذعذع الهوى=واثر العباير للحزين هيام
يارافي الخلات ترفى غلايلي=وتجبرعزا قلباخلاجه دام
ترى عقبهم دنيا الفنا لوتزخرفت=تشبه لقصرا بالفلاه هدام