المشاركة الأصلية كتبت بواسطة علي هليل الحربي

	إليكي يا نجمتي الساطعه على جبين السماء أنظري إلى أعلى فلربما تشاهدينني فلقد اطلت النظر حاولي الدخول لمجرتي تحت رحلة اللاعوده فأنا أنظر هناك إلى الأفق البعيد أيهما يصل أولاً الشمس أو القمر في رحلةٍ كانت من ضروب الخيال أما أنا فسأصل بطريقتي إلى ضالتي التي لم تفارقني على موجة الحزن التي تغتال الفرحه المتكسره على جبال الهموم الصلبه في زمنٍ لا ينجح فيه إلاَ الفشل والفشل الذريع حتى آخر قطره سأطوي السراب وسأمتطي المستحيل فإما أن أصل أو أصل

ابا اتوجد وجد من ضـاع لـه شـف=مـع لابـةٍ ساقـوا ضعنهـم وقفـى
يخيلهـم ليـن ان مظهورهـم هـف=بالمرتفـع ودمـوع عينـه تكـفـى
حالـت ضغاينهـم ورى بــارقٍ رف=أحيا الوطـن وأيبـس كبـود الأعفـا
و أخذ ثلاث سنين والدمع مـا جـف=ينضح نضيـح عيـون بيـرٍ ترفـى
من بعدهـم مثـل الاسيـر المكتـف=لين انتهـت فتـرة حسابـه وصفـى
و ركب على عوصا تكف النظاء كـف=فجـا عضـود وسبتهـا مـا تحفـى
عمليـةٍ مـا مثلهـا موميـة خــف=طويلـة المقـدم عريـضـة مقـفـى
ويوم ان خامس خمس الأيـام طـرف=أرهـى بممساهـم وطيـب الملـفـى
و قـدام ينشـد ناطحـوه المـزهـف=وقالوا : ترى مضنون عينـك توفـى
أو وجد من عدى بطفٍ علـى طـف=طـورٍ ورى طـورٍ بعالـيـه شـفـا
و الجيش عقبه شاف له شوف وأختف=قـومٍ زعاعـة فـوق جيـشٍٍ معفـى
راحوا وهو يصفق بكفٍ علـى كـف=و من الضمـا بيـن العـدام ايتهفـى
اللوم والسوداء لهـم فـرش ولحـف=فـرشٍ تفرشهـم ولحـفٍ تضـفـى
عليـك ياللـي فيـك عبلـة توصـف=نيـران حبـك بالحشـى مـا تطفـى
ياللـي كلامـك در عـربٍ تعـاطـف=بالمربعانـيـة وكـنـه مـدفـى !!!
تليتـنـي تـلـة مـهـارٍ تعـسـف=وبيحت سـدي ليـن بـان المخفـى
أنا دخيلك عـف عنـي وأنـا أعـف=ترى العذاب اللي حصـل منـه كفـى