المشاركة الأصلية كتبت بواسطة عيسى العوفي

نو من القبله امزونه تصبب=اللي سرى مع تالي الليل برقه
هيض شجوني والقلم صار يكتب= اخذبنظم بالشعر وزنه وطرقه
سلام ياربعي من الشرق للغرب=في مجلس راع الشجاعه يعشقه
في ملتقى به راعي الشعر يطرب=لحن البيوت اللي جزيله ولبقه
مهما بقول يقل في ملتقى حرب=ماني بنظم الشعر ابوفيه حقه
ديوان ربعي حرب من تكسب الكسب= وضح النقا ماهي خيانه ودرقه
حرابة الاتراك يوم اشعل الحرب =نار الفتايل خلت الليل شرقه
الصدق مايخفى ولاينفع الكذب=جزل الكلام ويثبت القول صدقه
ماهو كلام افلان وافلان ينسب=الصدق نور وظلمة الكذب حرقه
ولاهي قصائد من تمثل ويظرب=ينسج خيال ويسرق الشعرسرقه
ومن لابنى بيتا على ساس يتعب=وكذب الفتى ينبيك عن زود حمقه