يالغزال الحايلي سبحان مـن صـور جمالـك
يوم ادقق بالوصوف ويـوم اراجـع ذكرياتـي
اشهد ان الزين كنه واحد من اصغـر عيالـك
بر بك في وقتنا اللـي ماعرفنـا لـه صفاتـي
يوم غيرك ما مشى مشيك ولا يعـدل عدالـك
قد تبنـى واحـدن مالـه قبـول ولا صلاتـي
الجمال اليوسفـي حلـك وبالاحـرى حلالـك
ساقه الله مخلصن لك وانت مخلص بالوصاتـي
والعيون السود منهـا وقعتـي داخـل حبالـك
كبلتنـي بالحضـور وبالغيـاب وبالسبـاتـي
يوم ربـي قـدر اللقيـا وهيـا لـي وصالـك
في مكانن للحبـاري فيـه سجـه واسمراتـي
قلت لي مرحب هلا قرب وفـال الزيـن فالـك
اسرع اقرب قبل ما يـدرون بالخطـه عداتـي
قلت انا بقرب مدام الحـظ ساعدنـي وطالـك
ما عليه من همومن سدهـا كـذب و شتاتـي
واسرعت خطوت قدم رجلي على الموعد وجالك
قلبي اللي من عنـا وقتـه تقفـاه احسراتـي
ساع شفتك صحت لك سبحان من صور جمالك
يوم ادقق بالوصوف ويـوم اراجـع ذكرياتـي


براهيم محمد السليمي