|
|
لهُ هو فقط ...
قالوا العتب ما بين الاحباب مرفوع
( وأنتَ ) وانـا ربـي خلقنـا حبايـب
يعني الزعل مكروه واللوم ممنوع
والشك يحسب من كبـار المصايـب
وعرق الثقه لا صار فالقلب مزروع
ما تقلعه هـوج الريـاح وهبايـب
ابعتذر لا غبت اكثر مـن اسبـوع
قلبي معك لو البـدنْ عنـك غايـب
هوّن حبيبي وش بلا القلب مفجوع
توّك على دنيا العجـب والعجايـب
دنيا فرحها ابتسامـه مـع دمـوع
واحزانهـا دمـعٍ . مـعَ دم رايـب
دنيا بها حلو المنامـات مقطـوع
وَ لآ تفـرق بيـن طفـل وشايـب
دنيا بها صوت القوي دوم مسموع
اللي خـذا امـوال غيـره نهايـب
وراع الكرم ذاليوم ميت من الجوع
في ظل سادات النهـب والغصايـب
لكن تذكر في حشا الجوف ينبـوع
يروي ظما قلبك ليـا صـار ذايـب
وَ لا العتب ما بين الاحباب مرفوع
والله يديـم الحـب بيـن الحبايـب
قصيدة للشاعر : عبدالله بن عبد الرحمن ...
(( تم تبديل كلمة وأحدة فقط ))
|