لاجفاني في هوى بـرد الطويليـن الـذرى=مايدفينـي لهـب نـارٍ بجوفـي تصطلـي
كلها سبة فراق اللـي علـى فكـري طـرا=صاحبً مقفي وذكـره دايـم يعـود علـي
والهجوس استوطنت فكري وأناأسمع وأرى=أحمضن في نظـم قيفانـي ووردن منهلـي
أمسي بقاعة كرا وأصبح على قمـة كـرا=من هجوسن تضرس اضراس المحالة بالدلي
صاحبي مرتعك في قلبي قفر وأرضه مـرى=مابـه الدايـج ولاالطايـر ولامثلـه حلـي
محتميـه لجيتـك لوكـل مدهـر بـه درا=ولو سمحنا للعسوس إن كان مبطي ممتلـي
فيه من وسميتك عشـبٍ عروقـه بالثـرى=واصفقه برد وهجير ويطمع بوصلك ولـي
كل مابرقك سرا يضوي معـه ليلـي سـرا=يالله بريح الحيـا والبـرق ضـوه ينتلـي
جاء مع القبلي خيـالٍ للسقيـا بـه حـرى=وأجنبـت بـه نكبـةٍ خلتـه عنـا ينجلـي
ولالقى هكالدفيـن اتبـوع والعـود انبـرى=مثل شوقي للوصال المنقطـع وأنتـه ملـي
اقرب اقرب شوف مرباعك من الحدب وورا=لايصير بخطو دام من الشقـا ماهـو خلـي
ياربيع القلب حنابالهـوى صرنـا اخشـرا=مااعرف بالحب غير إني أنالك وأنـت لـي
غير دارك لوضفا المخضار في كـل القـرا=مارغبتـه لوزبيديـه كبـر راس الطـلـي
مايأثر بي كلام اللـي علـى وضعـي زرا=المحبـة كلهـا بلـوى وأنـا بـك مبتلـي
لكن ارفق بالجفون اللـي محاربهـا الكـرا=ماجـداي الا القصايـد بالطويـل المعتلـي
صاحبي ياصاحبـي اسمعنـي وركـز تـرا=بالمثـل مالحـب إلا للحبـيـب الأولــي
وأنته معرض هبوب شبـاط قلـبٍ ماضـرا=للجفا.. ولا أستفيد إن قلت ياربعـي هلـي
ولايفيـد الشعـر لكنـه يوضـح مـاجـرا=أكتبه .. وأطرب لبدعه وانبهـر بالأجزلـي
بالنبـط يشدنـي شعـر ابدويًـا مـاقـرا=وبالفصيح الأصمعي.. صوت صفير البلبلي