ياماحلا الممشى قبل فجـة النـور=قبل طلوع الشمس في نصف ساعه
مع العيال اللي لهم تبـدي الشـور=بالطيب طيب وبالشجاعه شجاعـه
لافيـه متكبـر ولافيـه مـغـرور=ولافيهم اللي فيه عـرق ألقطاعـه
ولافيهـم معانـد ولافيـه مطيـور=ولافيهم اللي حب نشـر الاشاعـه
ولافيهم اللي لارقـد تقـل مقبـور=وقت الضحى تلقـاه لاون ذراعـه
ولافيهم اللي ساعده تقل مكسـور=أرفل يدين تموت عنـده مجاعـه
ولافيهم اللي حطله زلف وشعـور=ولا كلسك شوارب أهل الصياعـه
ولافيهم اللي مذهبة مذهب الكـور=أصدورهم مثـل البحـر بأتساعـه
ناسٍ على كيفك ولافيهـم قصـور=ناسٍ تحب الدين ورجـال طاعـه
قلت الطريق وقالوا الدرب مخبـور=نبي الدياراللي غشى العشب قاعـه
نبي نفـارق ديـرةٍ كلهـا بحـور=من قبل ضوء الشمس يبدى شعاعه
نبي الشمال اللي به العـز مذكـور=متولعـن قلبـي بحبـة ولاعــه
من الزبيره لين عرعروابا القـور=حبي لهـا مالـه حـدودٍ وقاعـه
ناخذ بها سجات والعمـر لـه دور=والعمـر لابـدة مـن الانقطاعـه
هذا هواي اللي به الفكر مسحـور=لاعنـه إميـل ولالغيـره قناعـه
الشاعر مرضي بن رويعي الوهبي الحربي=