سولنـا سـود الليالـي مراصيـد=وطالن يحدنـا علـى غيـر قـدا
زينـن ياسـود الليـال المعانيـد=أعنادكـن ياسـود بالقلـب صـدا
وزمانكن هذا هجرنـا مـع القيـد=وثعالبـه قامـت عليـنـا تـعـدا
وفيه الأسد مايرفع الراس ومسيـد=والثعلب المسبوع صـار الأسـدا
يومن ذلـي مـن لياليـه والعيـد=ولا حدته بضروف لو يـوم حـدا
وتصلبت روس الشفـال المعاويـد=اللاحق الملحق علـى كـور فـدا
وهذا هو اللي طير الطيـر تغريـد=اليوم يضد الضد من ضـد ضـدا
من طينتن قشرا شجرهـا مكاريـد=سود القلوب اللي بها السـاد نـدا
ناسن ورا ناسن جماهيـر تاييـد=جهـران والعميـان فيهـا تقـدا
وياللي ورا الزلات عسـاك متفيـد=يالتاعب الخسـران فـود المكـدا
يابنيتن غضا على صدرهـا نهيـد=لو لا الزمان اللي علينـا استشـدا
هذا وتـراء مايـذي إلا المقاريـد=أسوار من رملن سريـع المهـدا
قلته على ماشفـت بالعيـن تاكيـد=لارِد مضمـون الخبـر وأستجـدا
واقفيت أسلي خاطـري بالأناشيـد=ببيات ناضمها على الألـف والـدا
ومن جاهد الدنيا يخسر المجاهيـد=الـقـادر الله ميلـهـا مايـقـدا
دوراتها تنصب حبايـل مراصيـد=ويامهـا لهـل المكـارم تـضـدا
وياهل الكرم والجود يابن الأجاويـد=زمانكـم عسـاف فيكـم تــردا
يهل الرباع القايمه تشبـه الحيـد=اللي بناهن جمـل أوصـاف مـدا
يافـزوع والله لمهـات المفاريـد=يوم الوسيـق يسـام بخـذن وردا
اليوم عليكـم ضاهريـن الملابيـد=والطير الأكـوع بالطويليـن عـدا
قام السراد اللـي يكـد المجاعيـد=كثـرت ملاوينـه وصـار المبـدا
أخشوم العجول المنافقين الحواسيد=إن جاء يجيب أهروج وإن راح ودا
لا يازمـان الملهـده والملاهـيـد=ملحـق نزيلـه مبعديـن المشـدا
وأقول هذا واضحن شيـف تاكيـد=مكشوف بيامن لهـا اليـوم غـدا
وكلام من عد الطـوال المسانيـد=عـد الطـوال النايفـه وستـردا
من هاجسن حده على غير ميريـد=محـدود حـد مسننـات الأحــدا