اخواني واخواتي هذه القصيده كتبتها قبل سبع سنوات عندما كان عمر بنتي( لمى)ثلاثة أشهر ...أتمنى أن تصافح إعجابكم ولكم تقديري
أورق الحب في حدب الضلوع ونما=واحتفى بالوفى وحضن الدفى والجليد
ضحكةٍ يوم لد إلها الغرام إطخما=نوخت بالحشا والغير راحوا مديد
قلت ياثابت الحب بزمن ربما=والله إني ضعيفٍ معك وانا شديد
إضحكي لين ترويني فرح عن ضما=والعبي لين تنسيني قريب وبعيد
حدثيني بـ(اغوووه)يبان ورد الجما=واعتبرها قصيده من جزال القصيد
دام انا ابوك لك راس ٍيطول السما=ودام انا ابوك لك مجدٍعظيم وتليد
إن حضنتك ذراعي عزف قلبي زما=كنك الدم يفعل فعلته بالوريد
وش هو الدل والتدليل؟لولا (لمى)=وش هو الغد لولا رسم حلم ٍ جديد؟
غايتي لهفتي مهما الحنان احتمى=غيرها مارتجي بالعمر كنز او رصيد
لامهو نبض فعل القلب إذا جت (لمى)=سمه الحان سمه عزف سمه نشيد
دوموا بعز وتقبلوا إجلالي