المشاركة الأصلية كتبت بواسطة بيان الصمت

وش حالة اللي جفاه النوم = شوفوا البصر في مهاداته
طاري الكرى فالخيال يحوم = و مخلف جميع اتجاهاته
بنتــــــــم وبنـا وعـشنا اللـوم =والقلب يعفي مجاراته
واللي قضى واحكم المقسوم = ينـال مانال بســـــواته
ياتي الكرى من تعب وهموم=بمعادلة في حساباته
ولا يطرد النوم غير علوم=تنفي عن القلب لذاته
لب الندا و اسعف المسقوم = و ابحث معه عن معاناته
عيني عناها السهر و اللوم = من طرف يا جُرم نظراته
المرء ماله عن المقسوم=مكتوب حظه وخطواته
يلقى فدربه كثير سهوم=تعطي الخبر من بداياته
الجو داير عليه اغيوم = قاسي علينا مناخاته
يجوز أبقى كذا محروم = أخايله مع مداراته ؟
خطط بيانك على المرسوم=للجو باعلى محطاته
تلقى النتيجة مع المقسوم=بالضرب أضعاف حسباته
من أمس و أنا الين اليوم = رسمه معي في متاهاته
كل ما بنيت الأمل مهدوم = مِغلق عليّه اشاراته
ابدا بنهج الفكر وعلوم =بالرقم واحصي بياناته
مادمت ثابت على المعلوم =العلم يعطي إفاداته