المشاركة الأصلية كتبت بواسطة ورقان

سقا الله يوم به غيمه ،على درب الهوى ياحسين =على شاطي البحر جالس بذاك اليوم عصريه

المشاركة الأصلية كتبت بواسطة ورقان

كثير الناس تستمتع وبعض من العرب ماشين =وانا بحالي على الشاطئ لا مني ولا ليه

المشاركة الأصلية كتبت بواسطة ورقان

ومرت كنها الظبيه تثنى بالخطى وتلين =تسلهم بالعيون اللي غطاها اجناح قمريه
بعد مرت وثم مرت كأن البنت في تمرين =قلت يازين دخيل الله من عيونك عن السيه
الا يازين ما ترحم فؤاد المغرم المسكين=رجف قلبه مع الروحه ورجف قلبه مع الجيه

المشاركة الأصلية كتبت بواسطة ورقان

قالت يالله ! وتغازل . كيف قلبك يحب اثنين؟ =وشكلك انت متزوج ومعاك وليد وبنيه !!

المشاركة الأصلية كتبت بواسطة ورقان

انا ما حبها الضره ولا العب على الحبلين =ابيه اللي يبيني له هو يكون بس ليه

المشاركة الأصلية كتبت بواسطة ورقان

قلت انا ايه متزوج بس قلبي يحب الزين =وانتي حيل مزينه وفيك اوصاف حوريه
ترى قلب الرجل واسع ياسع بالهوى ثنتين=واكيد اقدر احب اثنين مثل ما حب عينيه

المشاركة الأصلية كتبت بواسطة ورقان

صحيح ان العرب واجد وكثير من العرب زينين= بس شوفي ترى مثلي انا يابنت مازيه

المشاركة الأصلية كتبت بواسطة ورقان

قالت بالله . وش زودك وش تفرق عن الباقين؟=كل الناس ابن تسعه وفيه من الحلا ميه

المشاركة الأصلية كتبت بواسطة ورقان

قلت اعجبك لي نظره على درب الهدى والدين =واقدرها الحياه اللي على أساس مبنيه
ادلل زوجتي بالحب اشاركها العسر واللين =وحقق كل ما تطلب اذا توصل له ايديه
اصاحب زوجتي ونصير احلا صحاب وزوجين =وانا ما حبها السفرات ولا صاحب عزوبيه

المشاركة الأصلية كتبت بواسطة ورقان

قالت كلام السعه هين ولاندري عنه بعدين=لكنك خفف إغرورك كأنه زايد اشويه

المشاركة الأصلية كتبت بواسطة ورقان

ترى حنا بنات الناس ماحنا من الغاوين =ولاحنا مع الطارف نصدق ذيك او ذيه
علينا من الشرف جلباب وحنا بالمهر غالين =ومن يبغا بنات الناس يجيب ارجال جاهيه
ويحقق كل ما تطلب وثاث لفلته دورين =ترى بنت العرب ماهي على ماقيل هنديه

المشاركة الأصلية كتبت بواسطة ورقان

ذكرت وقلت ياربي تهون ذا الزمان الشين =حتى الزين يتشرط ولا به بي ماويه
ترى يازين هالاسهم كلت مانجمعه بسنين =وزود بلة الطينه غلا الميتين بالميه