المشاركة الأصلية كتبت بواسطة الصدرالشمالي

سلام الله سلام المسلم اللي للسلام يتوق=على حرب الحرايب من شمال اليا جنوب الدار
وانا ياوين ابلقى شاعرن يلعب على الطاروق=يقولون الطريسي قلت يكفي عن عشر شعار

المشاركة الأصلية كتبت بواسطة احمد الطريسي

هلا يامرحبا ترحيبة ترحيبها له ذوق=نيابه عن هل الطالات واهل الطيب والاذكار
انا ابلعب على معنى واسوقلك المعاني سوق=ترا من طب في سوق الغلا ياصاحبي يختار

المشاركة الأصلية كتبت بواسطة الصدرالشمالي

لقينا في دكاكين اللصوص الخاتم المسروق=وجبنالك خبر قبل المذيع يقدم الاخبار
ترى سوق المعاني مايبيع المشلح المشقوق=ومادام انك تعرف السوق تعرف سلعة التجار

المشاركة الأصلية كتبت بواسطة احمد الطريسي

تعلمني بعد شلته معك في داخل الصندوق=حلالي محتميه ولارمي الرميه بدون عيار
اناعندي ذهب صافي واعامل حاكمين السوق=لاكن انته عساك تصرف الدرهم مع الدينار

المشاركة الأصلية كتبت بواسطة الصدرالشمالي

على هونك تصبر يالطريسي لاتسوق النوق=تركد يمكن العساس مايلقى حيا وامطار
ذهبك الصافي اعرفه واعرف عقالك المفهوق=تحاول مع وزير الاقتصاد يخفض الاسعار

المشاركة الأصلية كتبت بواسطة احمد الطريسي

ليا جا للحيا طاري ذكرنا ياعرب ساحوق=ترا ساحوق ماهي ديرتن فيها دهر وغبار
الا ياللي ورا الكوفه مسويلك عرب وفروق=ترانا ماندور غير رحمة ربنا الغفار

المشاركة الأصلية كتبت بواسطة الصدرالشمالي

عساها للسحاب اللي تكاشف من وراه ابروق=وعساك ان ربعت ساحوق تقدر تكمل المشوار
انا ماني عراقي يالعميل السابق المسبوق=ولا اعرف سنة البصره ولا اعرف شيعة الانبار

المشاركة الأصلية كتبت بواسطة احمد الطريسي

تخايل للبروق وقبل تاصلها يجيلك عوق=ولا ياوسع صدرك تقدر المدخال والمظهار
على اسمك ياجودي خلك وحذرا لايصيبك ضوق=علامك تنكر السنه وتجمعهم مع الكفار

المشاركة الأصلية كتبت بواسطة الصدرالشمالي

انا طيرن ليا ضاقت به الارض ايتعلى فوق=وهذي يالطريسي ميزتن من ميزة الاحرار
انا يابومحمد ماخبرتك جاهلن مطفوق=تغير بالحقيقه والحقيقه ما عليها غبار

المشاركة الأصلية كتبت بواسطة احمد الطريسي

مدامك حر خلك راس منت بصدر لاكن روق=وانا اسمي مفتخربه ماعلى اسمي يالعميل استار
انا لان كان مخطي يابيض الشارب علي احقوق=وانا ما اخطيت واقول الحقيقه ماني بمحتار