مرحبا فالحله اللي قدرهـا مـا هانـي=وبارك الله فالرجال اللي تعـز أسماهـا
قالو ان الشيخ يزهم من ورى عسفاني=قلت وش علمه وقالو بنـدقِ فخباهـا
البقا بينـي وبينـك ساحـة الميدانـي=مار لاتزحم هل الديره علـى مرعاهـا
لا تشيل البندق اللـي مالهـا نيشانـي=قبل تانس طلقـةٍ بالصـدر ماتنساهـا
السوالف يا وسيـع المعرفـه مجانـي=مير من دور على الحاجه يبى يلقاهـا
لا توصي واحد يدحم مـع الفرسانـي=الذيابـه يـا تريكـي شرهـا بعواهـا
انت مانته فالبلـد حاكـم ولا سلطانـي=علة الشعار عندي يالسميـن ادواهـا
اخر المشهد فضح وضحا وابن عجلاني=والا انا من عام الاول عارفٍ مغزاهـا
لو نحد السيف يا ابو زيد ما تنسانـي=مير طعني دامت الدنيا علـى مجراهـا
أثر تركي يا جماعه صاحـبٍ قومانـي=يرفع لسانه وعينه ما تشوف أقصاهـا
انت لو انك تشوف الدرب بالاعيانـي=ماوطيت الجمره اللي تحرقـك ماطاهـا
يالسمين انته سمين وفيك وصفٍ ثاني=الجبـال اتلـد فيهـا مـار ماترقاهـا
صح من قال الحموله شالها شقراني=والجمال اللي بمفلاها سمعت رغاهـا
ما لحقنا الشك يا تركي ولا تعصانـي=مير من عزت شواربهـا تعـز لحاهـا