يامرحبا ياتركي ابن الشيـخ يامـال الغنـاه=يامرحبـا فـي دارنـا يامرحبـا يامرحـبـا
يومه خطرنا الصبح مادري ياجماعه وش بلاه=والله يستـر لايفـوع مـن الشماليـه صبـا
الله يبارك بالرجال اللي لهم صيـتٍ وجـاه=واكيد نور الله يطغي فـوق نـور الكهربـا
ترى الصبا من شرق ياتركي عكست الاتجاه=لنكان ماعندك نبا عنـدي لكـم علـم ونبـا
عندي خبر لكن ربك ماعسر شين علاه=لاتشغل العالم وخلك يابـن عـم مودبـا
لقلت لك هذي كذا اصحا اتنشد وش نحاه=حنا ذبحنا اربع حيايا مابقى الا عقربـا
استغفر الله ماحدينا مار ياراع الوصاه=اليا طلبتو غيرها قلنا لكم سـم وجبـا
ياهل المدينه ظلعكم ماعاد به ذيبٍ وشاه=يالرامي اللي بنقدك ثورثتها وسط الخبا
واصاحبي واصاحبي ماعاد ندري ويش وراه=يبي يسويبي سواة النـار فـي كبـري سبـا
ماعاد به ذيب يعوي فيه الاسـود اللـي تقـاه=ولو مانت من ربعي قضبتك ثم نعرف وش تبا
ياتركي القدر المغطا مانبي نكشـف غطـاه=وانته عنه شلت الغطا مدري ذكـا ولاغبـا
وراك فاير دمك لاتضرب براسك في حصاه=الله يبيـح القـدس ويخليـك يامسجـد قبـا
ماني بكشاف القدور وكل علمن له نباه=ياصاحبي وشبك تكب البكر وتخطب عزبا
ماهو بغابني ياكود الطالب اللي مانبـاه=يجاوب ايجابه خطا ويقول ظلم مرسبـا
لا يالامام اللي تيم الناس في وقت الصلاه=اتغش خلق الله بدقنك وانت تاجر بالربـا
ياتركي ابغى انشدك مادامك شديد الانتباه=وراك متعلق مابين الذيب واقرون الضبا
خربتها وانت غريق انمدله حبل النجاه=ياليت غيرك قالها واقول يخسى ويهبا
انته بلالحيه ووجهك ياولد مامن حلاه=روحت فخدك شنب واليوم محلوق شنبا
انت سواة الريح ماتثر على جبال السراه=استح قبل لااقول يالشاماني اقليل ربـا
حنا لحانا طيبه واللي خزا فوقه خـزاه=انا بحسبة والدك والواجب تقل لي يبـا