,
,
,
,
يالجنة المليـون بالهـون بالهـون=الشعر راح اللـي يـدرس مباديـه
ماهو بشعر اللي بالاسواق يشـرون=ولاهو بشعر اللـي غشيـم بمعانيـه
ولاهو بشعر اللي يطلب الناس تكفون=من قـدح راسـه طالعـاتٍ قوافيـه
الشاعر اللي يكتب القـاف مـوزون=اللي بيوت الشعـر تصـرخ تناديـه
لانه كفـو للشعـر ياللـي تعيبـون=ولانـه جـزل لاقـال قـولٍ يوفيـه
يجيك شعره مثل الالماس مضمـون=ابو جمال إيموت مـن هـو يعاديـه
إلهـاب مايهمـه ضعـافٍ يعـادون=الحـر دايـم عالـيـاتٍ مراقـيـه
ويالجنة المليـون بالهـون بالهـون=كل شي واضح إنكشف زيف راعيـه