المشاركة الأصلية كتبت بواسطة المحايد

أتـوب وتتـوب يدينـي ويبـقـى فـمـي=أحلفـه مايقـول ... ولايطيـع ... ويقـول
يرمي ليا زان لـه مرمـى الهـدف للرمـي=ويصيـب لاوفقـه ربـه ويلـقـى قـبـول
كلـه علشـان بنـت(ن) ماخطبهـا عجمـي=بنت الحسب والنسب والأصل غير الأصـول
شاشت لعود(ن) ماهـو صوفـي ولامكرمـي=مسلم وسنـي ولـه هيبـه بوقـت الذلـول
لكن بعد راح ! منهو عـن حماهـا يحمـي؟=كل(ن) طمع بالحمى والقرب حتـى الخبـول
ياصاحبي لابكـت قـول: أسمعـي وأعلمـي=ذي سنـة الله بخلقـه والمصاعـب تـزول
لـو الأسامـي فـريـده مالقيـنـا سـمـي=ولاشفت لك زول مـن شكلـه ثلاثيـن زول
ياصاحبـي . سرهـا بيـن العظـم ولحمـي=أجمـل جميلـه ولـو ماتلبـس إلا هـمـول
أدري تبا تقول لي: بعض السوااااااااالف عمي=وأقول لـك صـح . وأنـا محلفـه لايقـول