بيني وبينك كيف حطيت حايط=تحسبك حاكم والفلس راس مالك
رسمت خطه متقنه بالخرايط=شبيت نار الحرب وابليس فالك
ودك تدمرني بكل الوسايط=غزيتني في ليل مظلم و حالك
جرحتني والجرح ماهوب خايط=اشلون تجرح خافق اللي هوى لك
اشلون قلي جبت للعيد ضايط=خربتها لا تعتذر فأتصالك
القلب من بعض السواليف شايط=عيبك شموخ النفس وتشوف حالك
يا ما نصحتك عن علوم الهمايط=مار المصيبه ما تخلي خبالك
روّح وراك وخل عنك المهايط=لا تحسبني ميت ٍ في وصالك