فالحفله اللي كـل طيـب لفالهـا=يسمع بسمعتها وبّنـة ورودهـا
يامرحبا باللـي حضرهاوجالهـا=ترحيبة مـا بيّـح الله سدودهـا
الحفله اللي عزها مـن رجالهـا=حفلة بني غانم وحنا عضودهـا
بوجود شيخٍ كل طاله زهـا لهـا=أبوأيمن اللي من مناسب فهودهـا
حرٍ ولد حرٍ حضـر واعتنالهـا=محافظ الديره وحافـظ جنودهـا
عز الرجال اللي كـرامٍ سبالهـا=مثل السيوف اللي رهافٍ حدودها
وعز الضعوف اللي قصارٍ حبالها=ماغيريسكب دمعها مع خدودهـا
أبوأيمن اللي مطلع فـي حوالهـا=الشاهد الله والخلايـق شهودهـا
تشهد جنوب المملكه مع شمالهـا=والدار واهل الدارواللي يرودهـا
ما كل من شال الحمول إرتكالها=إلا رجالٍ عزمها مـن جدودهـا
ولا كل من جات الدعاوي ثبا لها=حتى ينيّر صدرها من ورودهـا
ولاكل من جات الثقيلات شالهـا=ما همّته نقص المعاني وزودهـا
أبوأيمن اللي كل هذي صحا لهـا=شايل عصاة العزماأهتزعودهـا
ولد الزعيم اللي مدرك ضلالهـا=يوم اختلط بيض الليالي وسودها
يوم ان بقعى زلزلت من خيالهـا=تبرق بوارقها وترعد رعودهـا
مدرك مكاسبها على راس مالهـا=عساه فالجنه وداخـل خلودهـا
وأولادغانم كلهـم مـن جمالهـا=والنار دايم قبسها مـن زنودهـا
العزوه اللي لبسها مـن عزالهـا=يوم الرجـال غبنهـا فكبودهـا