المشاركة الأصلية كتبت بواسطة خالد الحصني

يا سلامي عد نو ما تهيد ارعوده = نو وسم ساري البراق والرعادي
يا كبير النمل جا سليمان وجتك اجنوده = من يقول انه بحر جاه المحيط الهادي

المشاركة الأصلية كتبت بواسطة علي هليل الحربي

استلم ياخالد

مرحبا بك عد ما يرهش سحاب السوده=وعد ما سيقت بيالة شاهي البرادي
ماني بواصل معك لمثلث البرموده=عن كبير النمل ابنطح عنك ابن شدادي

المشاركة الأصلية كتبت بواسطة خالد الحصني

البقا يا شاعر ما يذخر ابمجهوده = لطلب جاهز وفي وقت الحياد احيادي
الدروب اوساع لكن كلها مرصوده = خل بن شداد غادي وش تبي با الغادي

المشاركة الأصلية كتبت بواسطة علي هليل الحربي

استلم لا هنت

الذهب مثلك ذهب والجود من ماجوده=بعض ما عندك يشَرف مكتبات النادي
اكثر العالم تراها فالوطن محسوده=لاتخلي واحدٍ سبب لك القدادي

المشاركة الأصلية كتبت بواسطة خالد الحصني

ليت ابن شداد غنا اغنية حموده = وراح يطرد كورته مع باقي الاولادي
يوم زنده ما حمل عن هامته جلموده = ما يرد القوم في سكينه الردادي

المشاركة الأصلية كتبت بواسطة علي هليل الحربي

فلة حجاج الضعيف اللي تقاوى زنوده=ضحكة الجمهور ساعه من نكت حمادي
والبعير اللي فتلنا من وبره قيوده=ما يدرهم بالخطايا مع قصير المادي

المشاركة الأصلية كتبت بواسطة خالد الحصني

الضلايم عاقبتها ماهي امحموده = نذكرلله مابخسنا كيلة الاجوادي
والبعير الي يدرهم لا تجي لحدوده = ثم مايلقا الخبر عن رمسكم نشادي

المشاركة الأصلية كتبت بواسطة علي هليل الحربي

والله إني ما ظلمت الكيله الممدوده=والظلايم عاقبتها شر وانت البادي
ما تضر الصوقعه وان عدت ياهي عوده=يا تسرك يا تضرك قصة المعوادي

المشاركة الأصلية كتبت بواسطة خالد الحصني

ما دريت انك من الي معه ختم الجوده = وبندقي ماهي بيمك لا يجيك اعنادي
كل حبل منعقد حنا نحل اعقوده = وياعقدنا الحبل ماجا عقبنا عقادي

المشاركة الأصلية كتبت بواسطة علي هليل الحربي

ماعليك زود

انت ياعد القراح اللي تعج وروده=من يصدر منك غير يعاود الميرادي
ان نحرنا لك لقيه حنت المفروده=الهجوس اللي تمنع يمتك تنقادي

المشاركة الأصلية كتبت بواسطة خالد الحصني

ما عليكم زود والمقصد وجب مقصوده = ما كمل با فعولكم يا ربعي القصادي
مار سلملي على شداد ابو مقروده = لسمعه بذني ليامني دخلت اينادي