المشاركة الأصلية كتبت بواسطة سمو المواطن

سلامي على اهل المنتدى والشواعير=ردتن تبا شاعر يصون المعاني
ليا كثروا البدوان ورادت البير=نورد كثير الناس عبر السواني

المشاركة الأصلية كتبت بواسطة ابن خيرالله الردادي

هلا مرحبا وهلين بحلا التعابير=وانا جيت وابشر بالسفن والمواني
ولو وردوا البدوان مافيه تغيير=وكلاً بيلحق الخير يامودماني

المشاركة الأصلية كتبت بواسطة سمو المواطن

والبقا والبقا ياوجيه المسافير = وجعله فدا الطيبين خطو الوحاني
وحذر المحردب لا يثير النواعير = ليا من حدا غير ترى ماحداني

المشاركة الأصلية كتبت بواسطة ابن خيرالله الردادي

عسى الله يبقي الطيب ويديم للخير=على كل خلق الله في هذا الزماني
ولو كانوا العربان فيهم مشاهير=اكيد البعض يحتاج رفع العناني

المشاركة الأصلية كتبت بواسطة سمو المواطن

ويالله تمنعهم صدوف المقادير=ذخر لدناويه ملاذ الهداني
ترا أغلب اللي مشتهر ماهو غتير=ولكن عبيناله برمح وسناني

المشاركة الأصلية كتبت بواسطة ابن خيرالله الردادي

انا قول لو بالهرج بعض المحاذير =ترى بعض هرج الناس يسمى جناني
ضروري حضور الصقر وسط الصقاقير=ولا تقبل اصقور العرب اسم ثاني

المشاركة الأصلية كتبت بواسطة سمو المواطن

فالجنان تلقى فيها ريحان وعبير=ولكن قليل اللي من الثمر جاني
بشبك وحمامه أشتبك مخلب الطير=مايحتاج دامن فيه شاهد عياني

المشاركة الأصلية كتبت بواسطة ابن خيرالله الردادي

الا يالمدرس زيد وكتب دواوير=على الطالب اللي مايعرف الثماني
يجي باول الطابور وتشوفه مغير=يحسب المدرس حسبت البهلواني

المشاركة الأصلية كتبت بواسطة سمو المواطن

استطاع يغير بالطبع سالم الزير=من العربده ألين حرب العواني
مساكم علينا مثل در المصاغير=مني جزيل الشكر ياهل المكاني

المشاركة الأصلية كتبت بواسطة ابن خيرالله الردادي

الا يالمواطن لا تحير ولا تحير=تنقاء من اعلوم الرجال السماني
واذا فيه غل او فيه بعض الخواطير=تذكر ترى الأنسان له عمر فاني

المشاركة الأصلية كتبت بواسطة سمو المواطن

لقينا الرجال اللي تدل المعابير=تسافر ولا تحتاج لترجماني
انا ودي بموضوع ولوه صغير=ولاتحسب ان الغل بالقلب راني