المشاركة الأصلية كتبت بواسطة سعود الغيداني

عقب السعادة والفرح والمسرَات=والعيشة اللي معك كانت هنيه
يصير تنساني وتبعد مسافات=وتخلي سعود بسببك الضحيه ؟
والله ماكان العشم فيك بالذات=إنك تسوي في حياتك خطيه
ولامرَ في بالي مع الوقت ساعات=إنه يصير اللي تسويه فيه
لو أن فيه أسباب للبعد مرات=ماجيتك أسأل وش سبب هالبيله
لكن تركت القلب وأبعدت بسكات=وشبيت وسط الصدر نارٍ لظيه
إن جيتك لك عاني لقيت التحيات=وإن رحت مادري وش ورى هالتحيه
اول تسوق الرجل يمي زيارات=يوم الخوي هو العضيد لخويه
واليوم صارت سابع المستحيلات=والضربة اللي بالحنايا قويه
سويت معك الطيب والطيب عادات=واليوم تمشي معي من غير نيه
ان كان نفسك تجبرك بالقديمات=مابيه من رد الجمايل عليه
تركتني من دون اي اعتبارات=ماجبتها بالعفو والمقدريه
كنك تبي تقطع جميع العلاقات=حتى ولو بمكالمه هاتفيه
هذا السؤال الصعب ماله إجابات=يدور في عقلي والأفكار حيَه
لابد في يومٍ تبين الروايات=ونشوف من تصفي عليه القضيه
اقولها في عقل وإدراك وإثبات=نفسي عن اللي مايبها غنيه