المشاركة الأصلية كتبت بواسطة تركي الشيخ

بيض الله وجه فاضل بيض الله وجه غازي = والله يبيض وجيه اهل المروه والحميا
عقب ماشفت اللقا افبث الفضا عبر الجهازي = اعتلى راسي وراسي منزله فوق الثريا
حربي ولاهو غريب اليا بدا فيه اعتزازي = عاشو اعزاز النفوس وماتت النفس الدنيا
اللقا ممتاز والشاعر بعد معه امتيازي = بالادب والشعر عملاقٍ كسب هاذي وذيا
قاضب اعنان الجزيلات النوادر باجتيازي = وان دعا للشعر داعي بالمواقف ماتريا
قرم والممشا عدال ولا ومشى درب المخازي = محمياً عنها وسيع المعرفه سمح المحيا
ماوصل في مستواه اللي على الفاضي ينازي = مذياً غيره ونفسه ماجنى غير الاذيا
ليتهم جابوه من قبل السويدي والبرازي = لي شهر وانا اتنشد واتحرا واتهيا
بلغو فاضل تحيات المشاكيل العزازي = يستحق الشكر رجالٍ يسوي هالسويا
وحرب مثل الضلع راسي ماحصل فيه اهتزازي = دايمن فيه الذرى واضلالٍ يضلل وفيا
وعاشو احروب الشمال وعاشو احروب الحجازي = والله يبيض وجيه اهل المروه والحميا