المحايد=
مرحبا بالرجال أهل النقا والنظافه=كلنا أخوان مابه ضيف.. والعالم الله
صار مصروفنا عند اليمن ياحسافه =كيف يرضى الرجل ياحيف .. والعالم الله
راعي الحناكيه=
البقاء بالعميل اللي علومه كلافه=دارت الدله لهل الكيف 00والعالم الله
كان عندك طريقه بلغ اهل الصحافه=كود نبغا لها تخفيف 00والعالم الله
ساري الغدرا=
البقا من عميلٍ مايحب الكلافه = عند ربعٍ تحد السيف * والعالم الله
كل عاقل يقيّس مصرفه بالصرافه = مايبيله واحد صرّيف * والعالم الله
المحايد=
ماش فيها كلافه يابن عم العرافه =قند الدله أم الليف والعالم الله
الصحافه تقل جرف(ن) سريع أنجرافه=وراعي العلم فوق جريف والعالم الله
راعي الحناكيه=
طاح فنجال دله يابعيد المسافه=دام زول المحايد شيف 00 والعالم الله
الخلف يالمحايد بالجمل والزرافه=وأنت علمك جبل منيف00 والعالم الله
المحايد=
الجمل مايكفيه النخل مع خرافه=والزرافه لها تصريف والعالم الله
ودنا الخيل تعسف ياعميلي عسافه=ماتخلا بلا توقيف والعالم الله
راعي الحناكيه=
الجمل لايجي في دربنا ولا نعافه=والزرافه لها توصيف00والعالم الله
خل عنك المجادل وخل عنك الاقافه=واسرحو في نهار الصيف 00والعالم الله
المحايد=
نوب قدم العلم وأحيان تمشي خلافه=مع هل الصنف صرت نصيف والعالم الله
وقف اللنش في بحر (ن) صعيب اكتشافه=بس ماينفع التجديف والعالم الله
راعي الحناكيه=
بنشدك عن هنفوف(ن) تعرف اهل العرافه=ماتجي غير وقت الطيف 00 والعالم الله
انت واحد محنك صعب كود انصرافه=مار خالك ورى التجويف 00 والعالم الله
المحايد=
بنتكم نهدها واقف وفيها جلافه=ماعرفها سعيد سطيف والعالم الله
انت مالك مع اهل الكون كود الحيافه=والا انا خابر العريف والعالم الله
راعي الحناكيه=
بنتنا عزه الله ماتعرف المصافه=وبنتكم وجهها مخيف00 والعالم الله
ابك ليتك تعود ياوزير الثقافه=وتنشر العلم يم اطريف00 والعالم الله