أولاً: أتشرف بإنضمامي إليكم في هذا المنبر والصرح الممثل لقبيلة حرب.
ثانياً: أشكر الأخ سلطان الغيداني على الدعوة.
ثالثاً: هذه مصافحة أولى قصيدة بعنوان (( يــابــنــت ))
يابنت لوبيني وبينك سواليف=لا أعالج جروح الوهم بالقصيدة
لأجلك كتبت الشعر ياأحلى من الطيف=واليوم قلبي زاد علة جديدة
ما حاجتي بالحب كذبة وتزييف=غير الحياة الهانية والسعيدة
غصبن علي أهواك ماهو على الكيف=القلب يأمرني وشوقي أزيده
عازم وجازم وأنتي الحد والسيف=لو كانت أفراحي بأراضٍ بعيدة
الهم فيني مثل سحابة الصيف=عدَا وعشت الحب فرحة مديدة
والكلمة اللي قلتها دون تحريف=تبقى على نفسي عهودٍ جسيدة
ما أقدر أغيرها ولا أقول ياحيف=وأصبر مادام الرد والحل بيده
هذا غلاي ولا أبي منك تصريف= أنتي هواي وتاج حبي وسيده
يابنت حبي كيف ماهو بتصنيف=متى على الله نلتقي يالعنيدة
وســــلامــتـــكـــم