البارحه قافـي تذكرنـي بعـد غيبـة شهـور=لَكن بعـد غيبـة ثـلاث شهـور والله لتعبـه
وانا اعرف انه لحتمى الميقـاف والله مايبـور=وإن صب لـي فنجـال ياشعـار والله لشربـه
انا بشر وشلون اعرف اللي تخفيـه الصـدور=ويغرني دقن الضعيف اللي تحـت حـد شنبـه
اشوف لي ضلماء واشوف النور وازيده بنـور=واشوف لي مخلوق يلبس ثوب من فوق ركبـه
يشره على الحيين في دنياه واصحـاب القبـور=في ذمة المولـى ويلحقهـم عسـى الله ينكبـه
واللي معه مـلاس يضهـر ماتخفيـه القـدور=والحاشي اللي فيه قبـل ايـام راعيـه جلبـه
اثر السراب يعد نفسه بحر من ضمـن البحـور=والداب لـو سلبـه يوقـي فالزمـن مايسلبـه
والشعره اللي في سنام الثـور ورثهـا لثـور=مجرتـه فـي مزرعتهـا والليالـي تسحـبـه
وترى الشجر ماينكر جذوره على مر العصـور=تورق به الأغصان وإلا الماء جـذوره تشربـه
وبعض العرب يدخل بوجه الشاه من بين النمور=يعني بلفظ الباديـه والحضـر ملعـون رقبـه
واللي مفتح لو يشوف الدرب به عمي(ن) وعور=ماكل حرف اقراه بالدنيا على الطـرس اكتبـه
واللي يبا يرقص مع الساحر على شم البخـور=إليا ارتخـى حبلـه مـع الأيـام والله لكربـه
والبندق العوجـا ليـا زهبتهـا يمكـن تثـور=لكن ويـش الفايـده دام الهـدف مـا تعطبـه
خلاص ياشعـار لـو عديتهـا جسـر العبـور=تمت ووفيـت القصيـده كـل شاعـر تطربـه
وختامها والعلم للشعـار مـن بيـن السطـور=بالعافيه للي مسـح ديـس المنيحـه واحلبـه