ملتقى قبيلة حرب الرسمي - عرض مشاركة واحدة

01-09-07, 08:49 AM


	المشاركة الأصلية كتبت بواسطة حمود الجابري


	أتشرف يالمحايد ان اخذ معك طارووق عد ما لاح براق الحيا في سماه =ياسلامي سلام الدين والدين مله وقتنا يالمحايد داير(ن) في رحاه=لاتجي وسطها والعلم محدن فطله


	المشاركة الأصلية كتبت بواسطة المحايد


	حياك الله ياحمود لي الشرف وانا أخوك أستلم البقاء يالمرحب واللقا مبتداه=تحت بيرق بلادي كلنا تحت ظله الزمن ياعميلي ماشياتن خطاه=ماني بوسطها على غلاف المجله والله نص راسي نوم


	المشاركة الأصلية كتبت بواسطة حمود الجابري


	صح لسانك صاحبك شاف برق(ن) ساق رجله نصاه=حرب ربعي وعز الراس في كل حله أتصفح بها محتار وين النجاه=يالمحايد تقدم كان تعرف تدله


	المشاركة الأصلية كتبت بواسطة المحايد


	كان عسيت عقب البرق بالأتجاه= عقب شفت الفيافي عطني العلم كله أنت تدري مايحتاج الجواب انتباه= شي واضح ومثلك مانوصيه لله


	المشاركة الأصلية كتبت بواسطة حمود الجابري


	الله صح لسانك الخبر كل قايد قوم يرفع عصاه=والفيافي بها خضره وخمسين فله كل كف(ن) ليا قًدم بيعطى ملاه=غير بعض الاوادم دمع عينه يهله


	المشاركة الأصلية كتبت بواسطة المحايد


	الفلل للقمم وإلا العصا للرعاه فيه راعي وبه ياحمود حماي ضله الله اللي عطانا ماجحدنا عطاه والحسد يذبح الرجال من غير عله


	المشاركة الأصلية كتبت بواسطة حمود الجابري


	ما نذم القروم مطوعين الطغاه=فيه فريس قوم وفيه لقاط جله الله اللي حمانا والله اللي بلاه=ديرتن ريق صاحبها ماتقدر تبله


	المشاركة الأصلية كتبت بواسطة المحايد


	معليش ياحمود أخذت لي نعسه مابها شك والعالم تعرف الدهاه=أنشد أهل المعارك قبل سيفك تسله فيه رجل قبل مانقول بيح خفاه=وفيه ديره بها ونسه وديره ممله وبيض الله وجهك ياحمود وأنا أشهد شهادة حق أنك شاعر كبير بيوتك ذهب وفتلك ونقضك ممتاز وأخلاقك عاليه . نصيحة للشعراء اللي يبون يتعلمون يتعلمون من حمود غير اللعب أحترام الخصم اللي هو أساس الرجل قبل اللعب .

صحت السنتكم وابداعكم