يا كاتبن جبت القلم عبر على الطرس تعبير = وكتب سلامي للزميل اللي علو مه طيبات
سلام يا الغيداني الي تنقل السيف الشطير= سلام (ن ) احلا من حليب الي بنجد مربعات
طماعهن لو شافهن بلعين ما يقدر يغير = من دونهن عزوة بني سالم ويا نعم العزات
وبعد السلام اسمع كلامن من هواجيس الضمير = قذائف(ن) نبي نوجهن على نهر الفرات
من شان ما يلحق خطرهن لاكبير ولاصغير = نهر الفرات يضمهن لاونهن متفجرات
يا بن صنيدح ما احسن من الشور من راس الكبير = يا الشاعر اللي تفهم المعنى على سبع الغات
حلمت ليه حلم وبا نشد عن الحلم الخطير= والحلم يابن حمود تفسيره على عدت جهات
وانا بشاور ونت يابن حمود يا نعم الشوير = أبا انشدك وانت انشد الشعار وكبار الروات
لاتنشد اللي ما يعرف الحمط من حب الشعير =ولاتنشد اللي مهنته حب المنازع والشمات
هذا وانا بخبرك بلي شفت بثلث الاخير = الشوفه اللي عقبها عيت عيوني لاتبات
اشوف لي حيه على سطح البسيطه تستدير = ونيبانها يا صاحبي تاكل من اجبال السرات
وطويق ثابت في محله ما اشوفه مستذير = وليا خزرته بلعيون يقول يا زين السكات
والضاهر انه ياطويل العمر قد جاه النذير = واكبر دليل ان الجبل ماعاد نسمع به صوات
وسهيل بادي والجمل ما عاد يسمع له هدير = يضرس بنيبانه ومن فوقه حمول مصلبات
هذا ما غير الحلم يا لافي ولاقر القرير = والله يعلم ويش يحصل بسنين المقبلات
ماني موصي وانت يا بن حمود رجالان خبير = ون جاك طرقي ما تعرضه السباع الجايعات
تراء المعاني للحكيم يقودها سلك الحرير =وشلون اوصي وانت يابن حمود ما تبغى وصات
ون كان عندك شك خل السيف يبقا بلجفير = يا صا حبي سؤ التفاهم من كبار المعضلات

يا كتبن عبرت وعتبرت تعبيرك عبير = يا مرحبابك والبيوت معبرات وعابرات
يا مرحبا ترحيب واجب ماهو بترحيب غير=والله لايجعلنا من اللي يتركون الواجبات
يا مرحبا حييت لو اصابع التهمه تشير =لضهور وبطون اربع من الكاسيات العاريات
الناس خلوها تدر وضيروها فوق ضير=حرم حلال وحللت يا بن الحلال محرمات
يقوله اللي يا خذ ويعطي ويقنع باليسير=ودايم يحسب حساب عا قبت الامور ود هات
يعف ويغض البصر والفضل للعقل البصير=والطيب يثمر برجال اهل العقول المبصرات
وللي مفتح زين ما يمشي مثل مشي الضرير=ولاهيضه صوت المصيح بالبروج العاليات
يا طير اللي تنفض الجنحان وقع لاتطير=ما لك صلاح تطير ما بين الطيور الحايمات
خلك على وكر الكرامه لاغني ولا فقير=مستور حال ولاتفكر في وصول المعجزات
الشمس في كبد السما ماهي تحت خف البعير=في نورها الوهاج مقبرت الليال المضلمات
الحلم يا بن عبيد تفسيره ومضمونه مثير=لكن يبي تفكير والافكار ماهن فضيات
اصبر مع الايام وتجيك البشاره والبشير=الناس مشغولين بحداث الليال الجاريات
لحضه معي على قاة البي بي سي توني بلير=يقول طالبان هاضمتن حقوق الطالبات
وعلى قناة السي ان ان أشوف لي جمعً غفير= جنود كوماندوز امريكيه وسفن وطايرات
وعلى الجزيره طلعو تسير علوني بخير=بعد اضربو كابول والمكتب وبعض الشايعات
وعلى قناة المملكه يقول سموالامير=ولي عهد المملكه ماعاد فيه مجاملات
مدام شعب القدس مجهول المستقبل والمصير=مابه سلام مع اليهود ولامجال مفاوضات
تعبير عن راى الملك والشعب للوضع الحقير=اللي يمارس في فلسطين بمدن ومخيمات
يا علي هذا ما هو بوقته جزاك الله خير=تحلم وتنشد عن تفاسير الحلوم المزعجات
سليت سيف الشعر يا الحصني يصير اللي يصير=لكن ابا ذكرك وطلب لك من الله الثبات
صوم الشهر وانفق من المال اصدقه تراه اخير=اخير من ما يجمعون البقيات الصا لحات
ارجو من المشرفين والمراقبين تعديل الغلطات بلكتابه مشكورين =