المشاركة الأصلية كتبت بواسطة منصورالمعمري

الليلـه أحـلام وسفـر وإختلافـات= متناقضـات الأمثلـه والمقاصـيـد
فيها الأماني حزنها ( يجلد الـذات )= وفيها لضحكات الفرح ( نازح البيد )
لولا المسامع ماعِرف فرق الأصوات= اللي تضم مع النيـاح . . الأناشيـد
والحـب تأثيـره تبيَنـه الآهــات= فيما مضى أنهك منهكيـن البواريـد
وأنا على كثر إختـلاف الحكايـات= حـول الغـرام وباليـات التقالـيـد
كَونـت للعشـاق ديـرة وميـقـات= وشفت العذارى يطلقـن الزغاريـد
ورسمت لك ياصاحبي بين الابيـات= تاريخ لكن غبت عن عينـي بعيـد
ناديت لك يوم المفارق ( سلامـات )= وقطفت لـك ورد ٍ حشـاه المناقيـد
ماتت يديني لكـن الـورد مامـات= باقي مثل ماكان مـن ليلـة العيـد
تدري وش اللي تفقده أنـت بالـذات= صدق المشاعر . . وإحترام المواعيد