ياسلام الله عليكـم ياربعـي القـروم=عد ماهلـت مـزونٍ تلـوح ابروقهـا
بعد شفت اسمك ياغازي خبرنا بالعلوم=كان عندك سالفه يالزغيبـي سوقهـا
ياهلا يامرحبا ردتٍ ترض العموم=من هجوسن مايدلا يدالله فوقهـا
يامدور لاسوالف توجه في يموم=مانبيع الغاليه لين يفتح سوقهـا
البقا ياشاعر(ن) غايب(ن) ليله ويوم=تبتدي في غروبها تختفي في شروقها
تبى تلحقك المشاريه ويلحقـك لـوم=كل طلابة حقوق ماتضيـع حقوقهـا
ياجماعة خير ماني عن الذنب امعصوم=والعلـوم بزودهـا ورجـال بذوقهـا
كل مادن الرعد فـي مقاديـم الغيـوم=هبـت النكبـا وقفـا لميـع بروقهـا
انت رجال ( ن ) فهيم ماتخطي السلوم=منت باللي لاحضر مايـروّق روقهـا
ليا دنت الرعود رحمـة الله الرحـوم=والسيول المجرفه لا تـروح اتحوقهـا
خلها بيني وبين الزغيبي ومخدوم=كل كلمة يا عميلي عرفت طروقها
لك خوي (ن) يذري القوم عن لفح السموم=والجواهر عندنا مالك (ن) صندوقها
خلها بيني وبينـك ياراعـي اللـزوم=ماتغواكم كلمة(ن) واضح(ن) منطوقها
والله اني محتزم دون حدي والرسوم=وانت تعرف الصقور ماتلين اسبوقها
قسمكم موجود يارجل من عرض القسوم=والسهوم مجهزة تتعرض وتذوقها
وانت يا ساري على الناس هم من الهموم=ما حميت اسم العروبة تدور عوقها
ياقلوب(ن) مشغفه ياعسى حظّك يقـوم=قبل تبلعـك السبّـاع لقمة(ن)بحلوقهـا
عندي عكّة العسل عندي ادهان الخشوم=والقلـوب الحاقـده تهتنـي بحروقهـا
اشقر الجنحان يارجل فالعليا يحوم=والحمامة تنعرف باللحن وبطوقها
اشربوا من زاد عكنك لاصرت مهزوم=كبدك القشرا من الدهن بل عروقها
الشجاعه للرجّال والمذله للرخـوم=والضعيفه هينه ماتفـك ازنوقهـا
متى ماتجي تروح احسبنك امحشوم=لو ثيابك باليه ماسبرت اشقوقهـا
عارف أني لو احملك حمل (ن) ما تقوم=والرجال بصدقها والضعـوف ببوقهـا
العرب بسلومها والعجم فرس(ن) وروم=تبلش العربان لن شاورت صعفوقهـا