محطات الفضا ترسل على الاوربت على النلسات=وانا برسل رسايل غيـر والارسـال لا سلكـي
ابو ليلى المهلهل فارس ٍمـا يطلـب الفزعـات=وشاعر يحبـك التعبيـر والارسـال لا سلكـي
والا يامرسل حروفك ومرسل للعـرب شرهـات=نقول السر وسـط البيـر و الارسـال لاسلكـي
ابو ليلى المهلـل مـات لكـن الشعـر مامـات=ياصاحبنـا مسـاء الخيـر والارسـال لاسلكـي
علامك تقلب البذله علامـك تعكـس الهرجـات=ترانا نكـره التزويـر والارسـال لاسلـكـي
ابو ليلى المهلهل قـدْم عينـك رافـع الرايـات=وجحدر قال مـات الزيـر والارسـال لا سلكـي
يقولون العقل نعمة وانـا اقـول العقـل نعمـات=على شجرتك وقـع طيـر والارسـال لاسلكـي
انا ماقول...كلٍ قال وانشد"عابـد ابـن سكـات"=شعارك صار "بندر غيـر" والارسـال لاسلكـي
تقول اني انا شرهان وانتـه تطلـب النجـدات=مراسيلك مع اهل الخيـر والارسـال لا سلكـي
بعد ما طار عقله قـال هرجـاتٍ بـدون اثبـات=فشيله ويـش هالتفكيـر والارسـال لا سلكـي
انا اعرف الملاعب"شعر" ماهي مجلس وهرجات=ياتلعـب زيـن ولا سيـر والارسـال لالسلكـي
تجوّد زين يابنـدر تحمّـل مـن فهـد هـزات=بقي ساعة على المعصيـر والارسـال لاسلكـي
يقطّع في جذور الشجـره اللـي كلهـا حسنـات=يكسّـر جذعهـا تكسيـر والارسـال لاسلكـي
تعال اصدم جبال اطلس لكن اصبر على الصدمات=يشب النـار راع الكيـر والارسـال لا سلكـي
انا اكسر راس من يعصي واكسّر ساعد الشمّات=واحط الخصم فوق العيـر والارسـال لاسلكـي
وانا اردك وانا احدك وانا اسدك بيـن اصـوات=تصفـر بعدهـا تصفيـر والارسـال لاسلـكـي
أنزّه سيفي واسلّه علـى الشجعـان والسـادات=مااسلّه فرقبـة خـن(!!!) والارسـال لا سلكـي
ترى منت بكفو نعرف جحا ضاري على الشردات=لكـن اسمّـرك تسميـر والارسـال لاسلـكـي