مـادام ان الجماعـه جلـوس(ن) بالمجاليـس = أبــا ادور عـلـى شـــف بـالــي والـمـنـاوي
بعـد مــاراح واقـفـى وشـافـوه العواسـيـس = ألا ويــــن انــــت بالله يـالـحــر الــنــداوي
بديـنـا بـسـم ربــي تـعـوّذنـا مـــن ابـلـيـس = وأوفّــي فالطـلـب مـــا تحـيّـرنـا الـدعــاوي
والا ياللـي لفـوكـم عواسـيـس ٍ جواسـيـس = تـــرى كــلــن درى لا تخـلـيـهـا خــبــاوي
تركـت الـدار واهلـه ورحـت لحامـل الكيـس = لــك الله وش تـبــى ياعمـيـلـي بـالـكـلاوي
تـرانــي ياعمـيـلـي مابـيـنـت الـهـواجـيـس = اخفّيـهـا عــن عـيـون رجــاّل(ن) شـقـاوي
أقــول الــدار فـيـهـا مخـالـيـب القـرانـيـس = وانــا مــع شـلـة ٍ مــا تـغـطـوا بالـغـطـاوي
يـبـان العـلـم والا بـقـى خـلــف الكـوالـيـس = معـي والله مـا يـفـرق عـلـن والا حـجـاوي
أثـرك تـدوّر احـسـن تواصـيـف ومقايـيـس = وكـيـف الفـايـده مـنـك يالـرجـل الـنـحـاوي
كـلامـي مايـبـي لــه مــع العـقّـال تـدريــس = ولاأدري وش يبى يصير لك وانته جـلاوي
علـى كيفـك تلـوّن علـى بيـض القراطـيـس = عـلامــك يـــا مــعــدي مخـلـيّـهـا بــــلاوي
انـا مـا قـلـت مثـلـك بـعـد شفـتـك فبـاريـس = مع الحمـران شفتـه وهـو سـارح وضـاوي
لـك الله ياولـد عــوف ماشـلـت الكـراريـس = وأخـاف تــروح ويصـيـر واديـنـا سـنـاوي
أنــا مـاســك مـحـلـي وبـيــديّ المقـابـيـس = عـلـى مثـلـك مـشـاريـه يابـعـيـد الـهـقـاوي
ديــار الـقـوم فـيـهـا مصـابـيـح وفـوانـيـس = غنـيّـه يــا عميـلـي وانــا عـنـهـا غـنــاوي
كفـو والله يعيـنـك عـلـى بـعـض الدنافـيـس = لك الله مع ولد عـوف مـا تخيـب الرجـاوي
ديـار الـقـوم مـالـي بـهـا يـاراعـي العـيـس = ولامحصل من القوم لي بشـت(ن) حسـاوي
عسـى ربــي يعـيـن ويكافيـنـا الوسـاويـس = نجـوم الليـل دون القمـر قــل وش تـسـاوي
اجل ليش انت تشره .. على راع النواميس = مدام اتقول .. مالك بهـا خيـر وعطـاوي ..!
بذكـر الله .. تـرى مـا يجـي هـم وكوابـيـس = ومثلك لا عوى لي .. ب جي بالليـل عـاوي